وشحال خلِّك عساه بخير شعلومه
شخبار قلبه عسى ما يلعب بقلبك؟
أحس نظرتك نظرة حزن مرسومه
لا تقول لي ما وفا لا تقول ما حَبّك
لا تهز راسك عباره منك مفهومه
ما تحب قصدك على ماضن يلعبّك
صحيح وإلا أزيدك بس معلومه
البارحه ليش قال أحلف لي بربّك ؟
أنك تحبّه .. وقمت تكثّر بلومه
ما طعت تحْلف لأنه لغز متشربك
مرّه يجيك بوفاء وأحلام مزعومه
ومرّه خطير إن زعل ينكرك ويسبّك
إن كنت راضي عسى الله حبّك يدومه
وعسى السعاده مثل ما تحِب في دربك
لكن تأكد ترى كل شيء .. له يومه
واللي يحبك أبد ما يوم يرخصبك
